ევროკავშირის პრიზი ჟურნალისტიკაში 2019

 

2 მაისს, ევროკავშირის მხარდაჭერით გამართულ კონფერენციის ,,მედიის ევროპული სტანდარტი - ეთიკა და პასუხისმგებლობა“  ფარგლებში გახსნილად გამოცხადდა  2019 წლის კონკურსი ,,ევროკავშირის პრიზი ჟურნალისტიკაში.“  

პრიზი წარმოადგინეს საქართველოში ევროკავშირის ელჩმა  კარლ ჰარცელმა და ევროკავშირის სადამკვირვებლო მისიის ხელმძღვანელის მოვალეობის შემსრულებელმა ქალბატონმა ქეით ფეარონმა.

,,ჩემთვის დიდი პატივია მერვედ გამოვაცხადო ევროკავშირის პრიზი, რომელიც დღეისთვის ერთ–ერთი ხანგრძლივი ისტორიის მქონე ჟურნალისტური პრიზია  საქართველოში. პრიზი ხელს უწყობს პროფესიონალიზმისა და ეთიკური ჟურნალისტიკის დამკვიდრებას და წარმოადგენს ჯილდოს საუკეთესო ნაშრომებისთვის ბეჭდურ, სამაუწყებლო, ელექტრონულ და ფოტო ჟურნალისტიკაში,“ განაცხადა ელჩმა.


ევროკავშირის სადამკვირებლო მისიის სპეციალურ პრიზთან დაკავშირებით ქალბატონმა ქეით ფეარონმა აღნიშნა: „ნდობის აღდგენის პოტენციალი ბევრად არის დამოკიდებული იმაზე, თუ როგორ ახდენს მედია საზოგადოების ინფორმირებას. ჩვენ ველოდებით ახალ იდეებსა და ახალ ისტორიებს კონფლიქტთან დაკავშირებულ საკითხებზე, რომლებიც სიფრთხილითა და პროფესიული კეთილსინდისიერებით იქნება გადმოცემული.“

ევროკავშირის 2019 წლის ევროკავშირის პრიზი ჟურნალისტიკაში კონკურსის დაჯილდოება მოხდება 7 კატეგორიაში: ბეჭდური მედია, ონლაინ და სამაუწყებლო მედია.

ევროკავშირის პრიზი ჟურნალისტიკაში 2012 წელს დააწესა საქართველოში ევროკავშირის წარმომადგენლობამ. ის ხელს უწყობს პროფესიონალიზმისა და ეთიკური ნორმების დამკვიდრება ქართულ ჟურნალისტიკაში.  პრიზების ჩამონათვალში არის, ასევე, სპეციალური პრიზი სამშვიდობო ჟურნალისტიკაში, რომელიც ხელს უწყობს ნდობის აღდგენასა და რომელიც ევროკავშირის სადამკვირებლო მისიამ დააწესა. 

 

2019 წლის ,,ევროკავშირის პრიზი ჟურნალისტიკაში“  კატეგორიებია:

  • საუკეთესო სტატია ბეჭდურ და ონლაინ მედიაში

  • საუკეთესო სიუჟეტი სამაუწყებლო და ონლაინ მედიაში

  • საუკეთესო საგამოძიებო ნაშრომი ბეჭდურ, ონლაინ და სამაუწყებლო მედიაში

  • საუკეთესო ბლოგი ონლაინ ან ბეჭდურ მედიაში, მოსაზრება თემაზე ბეჭდურ, სამაუწყებლო და ონლაინ მედიაში

  • ყველაზე ინოვაციური და ორიგინალური ნაშრომი ბეჭდურ, სამაუწყებლო და ონლაინ მედიაში

  • საუკეთესო დოკუმენტური ფოტო, რომელიც ასახავს ევროკავშირის ღირებულებებს

  • კონფლიქტების მიმართ სენსიტიური საუკეთესო ჟურნალისტიკური ნაშრომი, რომელიც ხელს უწყობს საქართველოში მომხდარი სამხედრო კონფლიქტების მხარეებს შორის ნდობისა და მშვიდობის აღდგენას, ეყრდნობა ჟურნალისტური ეთიკისა და პროფესიონალიზმის მაღალ სტანდარტებს  (ევროკავშირის სადამკვირვებლო მისიის სპეციალური პრიზი სამშვიდობო ჟურნალისტიკაში)  

პირველი ექვსი კატეგორიის გამარჯვებულები მიიღებენ 1,250 ევროს ექვივალენტს ეროვნულ ვალუტაში. ევროკავშირის სადამკვირვებლო მისიის პრიზი მშვიდობის ჟურნალისტიკაში კი ითვალისწინებს ლონდონში, ,,ომისა და მშვიდობის გაშუქების ინსტიტუტში“ ერთთვიან სტაჟირებას.


განაცხადის შეტანის ბოლო ვადა არის 15 ოქტომბერი, 2019 წელი.

განაცხადის შეტანის ფორმა და წესები  იხილეთ: www.euprizejournalism.eu.

დამატებითი ინფორმაციისათვის დაუკავშირდით:

ევროკავშირის პრიზი ჟურნალისტიკაში

  • თამარ მიქაძე, ევროკავშირი წარმომადგენლობა საქართველოში, პრესისა და ინფორმაციის სამსახური, Tamriko.Mikadze@eeas."europa.eu

ევროკავშირის სადამკვირვებლო მისიის პრიზი სამშვიდობო ჟურნალისტიკაში

  • დეზმონდ დოილი,  პრეს სპიკერი, ევროკავშირი, ევროკავშირის სადამკვირვებლო მისია, Des.Doyle@eumm.eu


ვულოცავთ “ევროკავშირის პრიზი ჟურნალისტიკაში” 2018 წლის გამარჯვებულებს

ევროკავშირის წარმომადგენლობამ საქართველოში და ევროკავშირის სადამკვირვებლო მისიამ ევროკავშირის პრიზი ჟურნალისტიკაში 2018 წლის გამარჯვებულები დააჯილდოვა:

  •  მარიამ აბესაძე: საუკეთესო სტატია ბეჭდურ ან ელექტრონულ მედიაში - http://bit.do/eBp4a 

  • ლელა კუნჭულია: საუკეთესო სიუჟეტი სამაუწყებლო ან ელექტრონულ მედიაში - https://bit.ly/2RvrAEs

  • სოფო ზურაბიანი: საუკეთესო საგამოძიებო სტატია ან სიუჟეტი ბეჭდურ, ელექტრონულ ან სამაუწყებლო მედიაში - http://bit.do/eAQa5   

  • ნანა თაკვარელია: საუკეთესო ბლოგი/თვალსაზრისი/სვეტი ბეჭდურ ან ელექტრონულ მედიაში - http://bit.do/eFv4a 

  • ნინო ბაქრაძე: საუკეთესო ორიგინალური და ინოვაციური ნაშრომი ბეჭდურ, ელექტრონულ ან სამაუწყებლო მედიაში - https://bit.ly/2EZQVVA

  • ნინო ბაიდაური: საუკეთესო დოკუმენტური ფოტო, რომელიც ევროკავშირის ფასეულობებს ასახავს - http://bit.do/eFv6H

  • ნიკოლოზ გაბლიშვილი: ევროკავშირის სადამკვირვებლო მისიის სპეციალური პრიზი სამშვიდობო ჟურნალისტიკაში - http://bit.ly/NikaGablishvili


ვულოცავთ გამარჯვებულებს და მადლობას ვუხდით იმ 131 ჟურნალისტს, ვინც საკუთარი ნამუშევარი 2018 წლის კონკურსში შემოიტანა.

მეტი ინფორმაციისთვის: http://bit.ly/2RpqjOE

Jprize2018